मुंबई (वृत्तसंस्था) : एनआयएच्या विशेष न्यायालयानं मालवणी आयसिस खटल्यातल्या दोन आरोपींना काल दोषी ठरवलं आहे. आयसिस या इस्लामी दहशतवादी संघटनेत सामील होण्यासाठी तरुणांना भडकवल्याच्या आरोपावरून रिझवान अहमद आणि मोहसीन इब्राहिम सय्यद या दोन तरुणांना दहशतवाद विरोधी पथकाने डिसेंबर २०१५ मध्ये काळाचौकी पोलीस ठाण्यात अटक केली होती. मालवणी परिसरातल्या मुस्लीम तरुणांना आयसिसचे फिदायीन लढवय्ये होण्याकरता हिजरत करून परदेशी जाण्यासाठी आणि भारताविरुद्ध युद्ध करण्यासाठी हे दोघेजण चिथावणी देत असल्याचं निदर्शनाला आले होते. राष्ट्रीय तपास यंत्रणेने मार्च २०१६ मध्ये त्यांच्यावर पुन्हा खटला दाखल केला होता आणि जुलै २०१६ मध्ये आरोपपत्र दाखल केले होते. त्यांना देण्यात येणारी शिक्षा उद्या घोषित केली जाईल.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.