राज्यात काल कोविड १९ मुळे एकाही रुग्णाच्या मृत्युची नोंद नाही

 

मुंबई (वृत्तसंस्था) : राज्यात काल कोविड १९ मुळे एकाही रुग्णाच्या मृत्युची नोंद झाली नाही. काल राज्यात ५४४ नव्या रुग्णांची नोंद झाली, १ हजार ७ रुग्णांनी कोरोनावर मात केली. राज्यात आतापर्यंत ७८ लाख ६६ हजार ९२४ जणांना कोरोनाची लागण झाली. त्यापैकी आतापर्यंत ७७ लाख १३ हजार ५७५ रुग्ण बरे झाले, तर १ लाख ४३ हजार ७०६ रुग्ण दगावले. सध्या राज्यात ५ हजार ६४३ एक्टीव्ह रुग्ण आहेत. रुग्ण बरे होण्याचा दर ९८ पूर्णांक ५ शतांश टक्के झाला आहे, तर मृत्यूदर १ पूर्णांक ८२ शतांश टक्के आहे. राज्यात काल ओमायक्रॉनचा संसर्ग झालेल्या ३८ रुग्णांची नोंद झाली. त्यापैकी ३७ रुग्ण पुणे महानगरपालिका क्षेत्रात, तर एक रुग्ण औरंगाबादमधे आढळला. राज्यात आतापर्यंत एकूण ४ हजार ७७१ ओमायक्रॉनबाधित रुग्णांची नोंद झाली. त्यापैकी आतापर्यंत ४ हजार ६२९ रुग्ण बरे झाले आहेत.