अदानी घोटाळ्यावरुन संसदेच्या दोन्ही सभागृहात आजही गदारोळ
• महेश आनंदा लोंढे
नवी दिल्ली(वृत्तसंस्था): अदानी समूहाच्या मुद्द्यावरून आज संसदेच्या दोन्ही सभागृहांमध्ये विरोधी पक्षांनी गोंधळ घातला. राज्यसभेचे कामकाज दुपारी २ वाजेपर्यंत तर लोकसभेचे कामकाज दुपारी १२ वाजेपर्यंत तहकूब करण्यात आलं.
राज्यसभेत, दुपारी १२ वाजता पहिल्या तहकूबीनंतर सभागृहाचं कामकाज पुन्हा चालू झालं तेव्हा काँग्रेस, आप, द्रमुक, राजद, बीआरएस, डावे आणि इतरांसह विरोधी सदस्यांनी पुन्हा गोंधळ घातला. आम आदमी पक्षाचे सदस्य हौद्यामध्ये उतरले. गोंधळाच्या वातावरणात सभापती जगदीप धनखड यांनी प्रश्नोत्तराचा तास चालविण्याचा प्रयत्न केला पण तो निष्फळ ठरला.
त्यानंतर सभागृहाचे कामकाज दुपारी २ वाजेपर्यंत तहकूब करण्यात आले.तत्पूर्वी, दोन्ही सभागृहांनी तुर्की आणि सीरियामध्ये झालेल्या भीषण भूकंपात प्राण गमावलेल्या लोकांच्या स्मरणार्थ दोन मिनिटे मौन पाळले.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.