संजय राऊत यांच्याविरोधात हक्कभंग दाखल करण्याच्या मागणीसाठी विधिमंडळाच्या दोन्ही सभागृहात गदरोळ
• महेश आनंदा लोंढे
मुंबई (वृत्तसंस्था) : खासदार संजय राऊत यांनी विधिमंडळाविषयी अपशब्द वापरल्याप्रकरणी त्यांच्याविरोधात हक्कभंग दाखल करण्याची मागणी करत सत्ताधारी पक्षाच्या आमदारांनी आज विधिमंडळाच्या दोन्ही सभागृहात गदरोळ केला. गोंधळामुळे कामकाज दिवसभरासाठी तहकूब करावं लागलं. विधानसभेत अतुल भातखळकर आणि भरत गोगावले यांनी हक्कभंगाची सूचना दिली होती. सत्ताधारी आणि विरोधी पक्षांनी या मागणीला पाठिंबा दिला होता.
विधिमंडळाबाबत कोणीही असे उद्गार काढणं गैर आहे मात्र कारवाईपूर्वी राऊत यांचं म्हणणं तपासून पाहण्याची गरज आहे अशी भूमिका विरोधी पक्षनेते अजित पवार आणि काँग्रेसचे बाळासाहेब थोरात यांनी मांडली. याप्रकरणी येत्या दोन दिवसात चौकशी करुन येत्या ८ मार्चला पुढचा निर्णय जाहीर करू अशी घोषणा विधानसभा अध्यक्ष राहुल नार्वेकर यांनी केली.
राऊत यांचे वक्तव्य अतिशय अपमानास्पद असून हा विधिमंडळ सदस्यांसह, संविधान आणि संपूर्ण राज्यातल्या नागरीकांचा अपमान आहे, असं नार्वेकर म्हणाले. विधानसभा सदस्यांच्या विशेषाधिकारांचं संरक्षण करणे ही माझी जबाबदारी आहे. या प्रकरणी सखोल चौकशीची गरज असल्याचं त्यांनी सांगितलं. अध्यक्षांच्या या घोषणेनंतरही सत्ताधारी पक्षाच्या सदस्यांनी हौद्यात येऊन गोंधळ घातला. त्यामुळे अध्यक्षांनी कामकाज दिवसभरासाठी तहकूब केलं. विधानपरिषदेतही या मुद्यावरून गोंधळ झाल्यानं दिवसभरासाठी कामकाज स्थगित झालं.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.