अमेरिकी खुल्या टेनिस स्पर्धेच्या पुरुष एकेरीची अंतिम लढत
September 12, 2020 • महेश आनंदा लोंढे

नवी दिल्ली (वृत्तसंस्था) : अमेरिकी खुल्या टेनिस स्पर्धेच्या पुरुष एकेरीची अंतिम लढत, जर्मनीचा अलेक्झांडर झ्वेरेव्ह आणि ऑस्ट्रियाचा डॉमिनिक थिम यांच्यात होणार आहे. भारतीय प्रमाण वेळेनुसार आज पहाटे पाच वाजता संपलेल्या पहिल्या उपांत्य सामन्यात अलेक्झांडर झ्वेरेव्ह यानं अटीतटीच्या झुंजीत, दोन सेट्सची पिछाडी भरून काढत, स्पेनच्या कॅरेनो बस्टा याला ३-६, २-६, ६-३, ६-४, ६-३ असं हरवलं.

आज सकाळी साडेआठ वाजता संपलेल्या दुसऱ्या उपांत्य सामन्यात, तिसऱ्या स्थानावरील डॉमिनिक थिम यानं, पाचव्या स्थानावरील डॅनियल मेदवेदेव या रशियाच्या  टेनिसपटूला, ६-२, ७-६, ७-६ असं तीन तासांच्या झुंजीत नमवलं.

जपानची नाओमी ओसाका आणि बेलारुसची व्हिक्टोरिया अझारेन्का  यांच्यात, भारतीय प्रमाणवेळेनुसार आज रात्री उशिरा ते उद्या पहाटे या वेळेत, महिला एकेरीची अंतिम फेरीची लढत रंगणार आहे.